HAVA DURUMU

- Hoşgeldiniz - Sitemizde 16 Kategoride 5743 İçerik Bulunuyor.

SON DAKİKA

Türkiyede Yaşağan Yurtdaşlarıma

13 Mayıs 2018 - 284 views kez okunmuş
Ana Sayfa » Fuar ve Etkinlikler»Türkiyede Yaşağan Yurtdaşlarıma
Türkiyede Yaşağan Yurtdaşlarıma

Deñiz qaynaq,col uzaq,yıllar suvuq
Bolsa da ,ey, tuvğanlar,goñül cuvuq.

Sındı hannıñ qılıçı urulıp taşqa,
Barmı duşman bizlerge yavurdan başqa?

Biz bu yaqta cılaymız,cürek suvmay,
Siz ketken soñ Qırımda kuneş tuvmay.

Toprağımız bir edi, qanımız bir,
Çoqrağımız bir edi,canımız bir.

Savurılğan tarıday sepildik kettik,
Sizler anda,biz-mında neler çektik!

Bizler yavur qolunda,siz-musulman,
Qay birinde kop eken aq ve iman?

Ale bugun bilmeymiz,cılaşamız…
Dertimizni gizlep soñ sırlaşamız…

Qol sınğanda saqladıq ceñ içinde,
Cumruqlarnı saqladıq cel içinde.

Şunday etip uç yuz yıl can saqladıq,
Millet degen temiz bir qan saqladıq.

Ey,yurtdaşlar,tuvğanlar,ey, gazılar,
Ayrılıqta kopmı taa curek sızlar?

Kerçniñ colın ot bastı,Çonğar cılay,
Cavun cava toqtamay,pek şıbalay…

Manğıt,Manay teleksip colğa qaray,
Asretlikten çalarğan saçıp taray.

İnşalla,siz de qaytarsız yeşil curtqa,
Dep toqtamay qaraymız deñiz,sırtqa.

Ah,bu dertten curegim tilim-tilim,
Dep sizge selam cibergen Şakir Selim.

Şakir Selim

Facebook Hesabınızla Yorum Yapabilirsiniz

İlgili Terimler :
Bilmate