HAVA DURUMU

- Hoşgeldiniz - Sitemizde 16 Kategoride 5734 İçerik Bulunuyor.

SON DAKİKA

QIZIMA NASİAT

03 Temmuz 2018 - 180 views kez okunmuş
Ana Sayfa » Genel»QIZIMA NASİAT
QIZIMA NASİAT

QIZIMA NASİAT

Qızım menim, nur çiçegim,
Rahmandan bahşiş melegim.
Matem künü can yelegim,
Allahtan duam, tilegim.

Sen babanıñ namusısıñ , 
Gece raat yuqusısıñ.
Anañ içün bir tayançsıñ,
Qorantaña ihtiyacsıñ.

Kelecekte sen anasıñ,
Amma, her daim balasıñ.
Qartlığımda tatlı sözsiñ,
Baban içün özden-özsiñ.

Bazı vaqıt açuvlanır,
Baba sesini yükseltir.
Soñ oyle peşman olur ki,..
Qalpke, ruhqa tesir eter.

Saqın unutma güzelim,
Terbiyeden yoq eveli.
Kelir, keter yaban yeli,
Anadır balağa veli.

Küneş teniñ incitmesin,
Namus perdesi – imandır.
Allah cennetine qoysın,
Bil ki, bu dünya yalandır!

Muhamed Ali Sulaymanov  27.06.2018.

***

КЪЫЗЫМА НАСИАТ

Къызым меним, нур чичегим,
Рахмандан бахшиш мелегим.
Матем куню джан елегим,
Аллахтан дуам, тилегим.

Сен бабанынъ намусысынъ , 
Гедже раат юкъусысынъ.
Ананъ ичюн бир таянчсынъ,
Къорантанъа ихтияджсынъ.

Келеджекте сен анасынъ,
Амма, эр даим баласынъ.
Къартлыгъымда татлы сёзьсинъ,
Бабан ичюн озьден-озьсинъ.

Базы вакъыт ачувланыр,
Баба сесини юксельтир.
Сонъ ойле пешман олур ки,..
Къальпке, рухкъа тесир этер.

Сакъын унутма гюзелим,
Тербиеден ёкъ эвели.
Келир, кетер ябан ели,
Анадыр балагъа вели.

Кюнеш тенинъ инджитмесин,
Намус пердеси – имандыр.
Аллах дженнетине къойсын,
Биль ки, бу дюнья яландыр!

27.06.2018.

 

Facebook Hesabınızla Yorum Yapabilirsiniz

İlgili Terimler :
Bilmate