HAVA DURUMU

- Hoşgeldiniz - Sitemizde 16 Kategoride 5031 İçerik Bulunuyor.

SON DAKİKA

Qara künler keçecek!

06 Aralık 2017 - 252 views kez okunmuş
Ana Sayfa » Genel»Qara künler keçecek!
Qara künler keçecek!

Kene keldi qara zeval

Yeşil Ada yurtuma!

Basqaqlar xainler ile,

Zülüm ete xalqıma!

**

Babalarsız öksüz qala

Ğarip yetim balalar!

Öküre (cekire) kelin-qızlarmız,

Rahatsız ana-babalar!

**

Cesür adliyeciler

Gece-kündüz çalışa!

Saxte qararlarnı oqup,

Bildireler cemaatqa!

**

Olarnı kimse diñlemey,

Bazıda qorqutula!

Amma olar zırba (qorqaq) degil,

Zalım bunı unuta!

**

Duşmanlarımız paxıllaydır,

Rahat degil yürekleri:

Talaplar, tenqit, tintüvler,

Mahkeme qararları!

**

Siz bulardan hiç saqınmañ

– Millet bermez yabanğa!

İnsafsız, cansız cahilge

Boğmağa, talamağa!

**

Halqımız olardan qorqmay,

Neler oldu Qırımda:

Cenkler, işğal, açlıq,

sürgün – Üç asır devamında!

**

Lâkin Biz hiç coyulmadıq,

Darqalmadıq Dünyağa!

Til ve dinimizni saqlap,

Qaytıp keldik Vetanğa!

**

Şimdi tek ‘‘sabır kerektir’’

Xatırlata Rabbimiz!

Ağırlıqta sabır etsek,

Çezilir meselemiz!!!

**

Hem de tırışmaq kerekmiz:

‘‘Harekette – bereket!!!’’

Bir-birine qol uzatıp,

Başqaca olmaz, Millet!!!

**

Siz daha şahat olursız,

Şübelenmeñız buña!

Yañı Nesil, Ulu Millet,

Bahatırlar doğğanına!!!

**

Can-göñülden arzularım,

Samimiy tileklerim!

Tañrımızdan pek sorayım,

Olsun bu isteklerim!

**

Sadıq dostlar, ruxtan tüşmeñ (ya da ruxlanayıq)

– Qara künler keçecek!

Aydın künler mıtlaq kelir,

Buña işanmaq kerek!!!

Emil Nasır

 

kırım tatar

kırım tatar

 















Facebook Hesabınızla Yorum Yapabilirsiniz

Bilmate