HAVA DURUMU

- Hoşgeldiniz - Sitemizde 16 Kategoride 5743 İçerik Bulunuyor.

SON DAKİKA

Mubarek Ramazan Ayı Qur’an Ve Oraza Ayıdır

15 Mayıs 2018 - 491 views kez okunmuş
Ana Sayfa » Genel»Mubarek Ramazan Ayı Qur’an Ve Oraza Ayıdır
Mubarek Ramazan Ayı Qur’an Ve Oraza Ayıdır

İslâmnıñ beş temelinden biri – oraza ibadetidir. Onıñ farz olğanı muqaddes Kitabımızda bildirilgen.
Allahu Taalâ Qur’an-ı Kerimde : “Ey, iman etkenler! Oraza sizden evel yaşağanlarğa farz etilgeni kibi sizge de farz etildi, belki (Allahnıñ emirine qarşı kelmekten) saqınırsıñız”,dep buyurğan. Ayet-i kerimede açıq beyan etilgeni kibi, bu ibadet yalıñız musulmanlarğa mahsus bir ibadet olmayıp, evelki ümmetlerge de emir olunğan edi.

Haq Taalânıñ biz, qulları içün bergen emir ve yasaqlarında,
bizler içün bir taqım faydalar bar. Çünki Allahu Taalâ insanlarğa manasız iç bir şey buyurmaz. Şunıñ içün orazanıñ farz qılınmasında insaniy, ahlâqiy, içtimaiy ve ruhiy kibi bir çoq maddiy ve maneviy faydalar bar.

Peyğamberimiz Muhammed Mustafa (s.a.v.): “Oraza (yamanlıqlarğa ve ceennemge qarşı) qalqandır”, dep buyura.
Oraza sayesinde insan nefsiniñ arzularına akim olur. Böylece,yaman istek ve arzulardan, günah işlemekten saqınır. Peyğamberimiz (s.a.v.) bir hadis-i şerifinde: “Kim yalan sözlerni, yalan işletmekni taşlamaz ise, o adamnıñ tek aşamaq ve içmekni taşlamasına Allahnıñ itiyacı yoqtır”, dep buyura.

Allahu Taalânıñ iç kimseniñ ibadetine itiyacı yoqtır. Yapqan ibadetlerimizniñ episi dünya ve ahiretteki seadetimiz içündir.
Allahnıñ bütün emir ve yasaqları insanlar içün bir rahmettir. Bu cümleden, oraza ibadetiniñ de bizge rahmet olmasını bu ibadetniñ ikmetinden kelgen esapsız bedeniy, ruhiy, ahlâqiy ve içtimaiy faydalarında sıralamaq mümkün.
Şimdige qadar izaatlamağa areket etilgen hususiyetlerden başqa,orazanıñ diger faydalarını böyle saymaq mümkün:
Oraza – nefis ve irade terbiyesinde çoq müim rol oynay, oraza sayesinde insanda sabır ve irade küçü alışqanlıq alına kele. Peyğamberimiz (s.a.v.) bir hadis-i şerifinde beyan etkeni kibi: “Oraza tutmaq sabırnıñ yarısıdır”.
Sağlıq tarafından orazanıñ şifa bergeni er keske belli. Hastalarnıñ ekseriyetine ilk tevsiye etilgen şey diyetadir. Tıbbiyat ilerilegeninen, orazanıñ faydaları daa yahşı bilindi. “Oraza tutıñ,sağlıqlı olursıñız” hadis-i şerifi de, orazanıñ insanğa ne qadar faydalı olğanını köstermekte.
Oraza – yürekte incelik, vicdanda temizlik peyda eter. Bu sayede fuqareniñ alını tüşündirerek, insanlarda yardımlaşma duyğusını uyandırır. Böyleliknen, musulmanlar arasında birlik-beraberlik,merhametlik ve şefqat duyğuları akim olur, kin, nefret, pahıllıq ve merhametsizlik kibi duyğular ğayıp olur. Yuqarıdaki ikmetlerni köz ögüne alğanda, oraza Allahnıñ insanlarğa büyük bir ihsanıdır.
Şunıñ içün, üzür sayılacaq bir sebep olmağance, er bir musulmanğa orazasını tutmaq şart.

MENBA : MİNBERDEN YÜKSELGEN SES

Facebook Hesabınızla Yorum Yapabilirsiniz

İlgili Terimler :
Bilmate