HAVA DURUMU

- Hoşgeldiniz - Sitemizde 16 Kategoride 5736 İçerik Bulunuyor.

SON DAKİKA

Mirac Gecesini Hayırlaymız

13 Nisan 2018 - 272 views kez okunmuş
Ana Sayfa » Genel»Mirac Gecesini Hayırlaymız
Mirac Gecesini Hayırlaymız

Mühterem musulmanlar !
Bazı zaman ve mekânlar yekânlar, içlerinde olıp keçken müim adiseler sebebinden,qıymet qazanalar. Bu qıymetli zamanlardan biri de Receb ayınıñ 27-ci gecesi ,yani Mirac gecesidir.Bu gece Allahu Taalâ sevimli qulu Muhammed Mustafa (s.a.v.)ni Mekkedeki Mescid-i Haramdan Quddustaki Mescid-i Aqsağa seyaat ettirdi.Biz buña”İsra” deymiz. Artından da “Mirac” kerçekleşti, yani Peyğamberimiz (s.a.v.)Cebrail ile birlikte köklerge, yüce maqamlarğa çıqarıldı ve oña mülk ve melekut alemleri kösterildi.

Bu aqta hutbeniñ başında oqunğan ayet-i kerimede Allah Taalâ böyle buyura:”Ayetlerimizdenbir qısmını köstermek içün, (Muhammed) qulunı bir gece Mescid-i Haramdan etrafını mubarek qılğanımız Mescid-i Aqsağa alıp barğan Allah noqsan sıfatlardan uzaqtır;O,aqiqaten,er şeyni eşiticidir,körücidir “.232
Bu adise Peyğamberimiz (s.a.v.)niñ Medinege icretinden tahminen bir buçuq yıl evel, milâdiy 621senesi, ceryan etti. Kene de bu adise Peyğamberimiz (s.a.v.)niñ Taif ziyaretinde taş boranına tutulğanı,emcesi Ebu Talib ve qadını Az.Hatice vefat etken,muşriklerniñ basqıları artqanı ve olarnıñ zulumlarına dayanamağan bazı musulmanlarnıñ Habeşistanğa (Efiopiyağa)köçmege mecbur olğanları zamanda yüz berdi. İşte, Yüce Allah, böyle qıyın vaziyette olğan peyğamberini Mirac ile şereflendirdi.
Qıymetli mu’minler!
Mirac adisesine sıñırlı küçümiz ve tar ölçülerimiznen degil, er şeyni bilgen Allahnıñ sıñırsız qudretini idrak etip baqmaq kerekmiz. Bu vaqia insaniyet içün maddiy ve maneviy yükselişni köstergen bir mücizedir.Namaz mirac esnasında farz qılınğan ve Peyğamberimiz (s.a.v.)buyurğanı kibi,o -mu’minlerniñ miracıdır. Mirac Peyğamber Efendimiz (s.a.v.)ni Allahqa doğru yükseltken olsa, namazlarımız da bizni Allahqa yükselte ve yaqınlaştıra .
Bundan da ğayrı,Miracda Peyğamberimiz (s.a.v.)ge “Amenerrasu-lü” (Baqara suresiniñ soñki üç ayeti) vahiy etildi.Birde,Peyğamberimiz (s.a.v.)anda ümmetiniñ afu etilmesi içün Allahqa yalvardı ve Yüce Mevlâ sevimli qulunıñ günahkâr ümmeti içün aqıtqan kozyaşlarını cevapsız qaldırmadı ve şirk etkenlerden başqa günahkâr musulmanlarnıñ ,cezalarını çekken soñ,episiniñ cennetke kirecegi aqqında söz berdi.Bu mubarek gecede sevimli Peyğamberimiz (s.a.v.)bizge Allahnıñ bu müjdesinen beraber bir de şu emir ve yasaqlarnı alıp keldi:
– Tek Allahqa ibadet etiñ,Oña iç bir sürette ortaq qoşmañ; ana-babañızğa ürmet ve itaat etiñ;soy-sopqa,fuqarege, yolda qalğanlarğa yardım etiñ,aqlarını beriñ;israf etmeñ ve saranlıqtan saqınıñ ;fuqare olurım, baqamam,dep,qasevetlenip , balalarıñıznı öldürmeñ (abort yapmañ),Allah olarnıñ rızqını berir;yetimlerniñ mallarına toqunmañ ,olarğa mulâyim davranıñ ;bergen sözüñizni yerine ketiriñ;zinağa yaqlaşmañ; aqsız yerde insan öldürmeñ;ölçep ve tartıp
bergende, tekmil beriñ, doğrulıqqa diqqat etiñ;bilmegen bir şeyiñizniñ peşine tüşip de,kör-korane artından ketmeñ; yer yüzünde kibirlenip yürmeñ. 233
Böylece , bu gece Allahnıñ ayetlerini oqup añlamağa areket etmek, Rabbimizge şükür etmek, bütün musulmanlar, keçmişler ve özümiz içün dua etmek ve günahlarnıñ bağışlanmasını istemek, namaz qılıp, Allahqa yaqınlaşmağa tırışmaq kerekmiz

Menba : MİNBERDEN YÜKSELGEN SES

Facebook Hesabınızla Yorum Yapabilirsiniz

İlgili Terimler : , ,
Bilmate