HAVA DURUMU

- Hoşgeldiniz - Sitemizde 16 Kategoride 5743 İçerik Bulunuyor.

SON DAKİKA

Mayıs 18-de

16 Mayıs 2018 - 474 views kez okunmuş
Ana Sayfa » Genel»Mayıs 18-de
Mayıs 18-de

Sen menim gunahsız balalıq çagımnı
Süngüler ucunda süyreklep yurdiñ!
Mayıs 18-de gonceli bagrımnı
Alladan qorqmayıp, sabannen sürdiñ!

Sen menim arzumnı, bahtımnı, şanımnı
Ayvanlar taşılgan vagonga yuklep,
Mayıs 18-de ıncıtıp canımnı,
Horluqqa yolladıñ , avtomat tiklep.

Sen menim bitamnıñ Quranın yaqqanda,
Halqımnıñ ruhunı, hayalın bozdıñ.
Mayıs 18-de mavı tañ atqanda
Dinini, tilini, tarihın bogdıñ!

O vaqıt men seni yurekten qargadım:
”Nesiliñ qursın! ”, ”Omurgañ sınsın!”
Mayıs 18-de er sene qargadım.
Bugun de qargayım: ”Ocagıñ sönsin!

Temeliñ sarsılsın! Agañ ve qardaşıñ
Eñ yaqın dostlarıñ celladıñ olsın!
Mayıs 18-de halqımnıñ qargışı
Başıña qara quş- quzgunday qonsun!”

(Stalinge ve onıñ qurumına qargış)-Eskender Fazıl

1990 s.
Kuntugan-Aqmescit.
(Mitingde oquldı)

 

Eskender Fazıl

Eskender Fazıl

Facebook Hesabınızla Yorum Yapabilirsiniz

Bilmate