HAVA DURUMU

- Hoşgeldiniz - Sitemizde 16 Kategoride 4879 İçerik Bulunuyor.

SON DAKİKA

Dünya,hara gedirsən?

05 Temmuz 2017 - 423 views kez okunmuş
Ana Sayfa » Genel»Dünya,hara gedirsən?
Dünya,hara gedirsən?

Duman,bu dağlardan o yana çəkil,
Səfərə çıxıram,mən yol üstəyəm.
Bu, elə səfərdir,elə güzardır,
Gərəkdir Allahdan ömür istəyəm.

Dünyanın işıni bilmək çətindir,
Dünən gördüyünü bu gün görmürsən.
Ömürdən şikayət etməyə dəyməz,
O öz yolundadır,onu sürmürsən.

Başını çiyninə yumruq eyləmə,
Başın baş yeri var çiyin üstündə.
Yandırma aləmi yaramaz sözlə,
Elə yanarsan ki,çıxmaz tüstün də.

Sən kimsən,nəçisən,bilirsən özün,
Daha dartınmağa nə lüzum vardır.
Yaman söz deyəndə barışmaq üçün
Bil ki,nə xahişin,nə üzün vardır.

Öləndə elə öl,ölün ağlasın,
Heç kəs deməsin ki,tünbətün getdi.
Əgər qımışırsa, yasına gələn,
Demək,adın,sanın bu gündən getdi.

Yalançı sözləri deməyin,bəsdir,
Qırx gün müddəti var,axı yalanın.
Yaman narahatam sabahım üçün,
Halına yanıram yerdə qalanın.

Təbriz.
05.07.2017.

P.S.

Mən nöqtə qoymuşdum yazdıqlarıma ,
Birinci çağırış Renatdan gəldi.
Elə sevindim ki, onun rəyinə,
Elə bil bu namə senatdan gəldi.

Nazim Nəsrəddinov

Facebook Hesabınızla Yorum Yapabilirsiniz

İlgili Terimler :
Bilmate