HAVA DURUMU

- Hoşgeldiniz - Sitemizde 16 Kategoride 4879 İçerik Bulunuyor.

SON DAKİKA

21 MART – NAVREZ BAYRAMI

21 Mart 2017 - 1.264 views kez okunmuş
Ana Sayfa » Fuar ve Etkinlikler»21 MART – NAVREZ BAYRAMI
21 MART – NAVREZ BAYRAMI

21 MART – NAVREZ BAYRAMI
Navrez – baar bayramıdır. Musulman halqlarında, yer hocalığınen bağlı Yañı yıl temsilidir. Qırımtatarlar bu bayramnı XII-XIII asırlarda islâmnıñ kelgeninen qayd etip başlağanlar.
Navrez tarla işleri başlağan birinci aydır. Şu künü aqaylar tarlağa çıqıp, olardan eñ eslisi duva oquy. Birinci sabannı sürip, topraqqa bir avuç urluq taşlay. Lâkin bundan evel oba üstünden qalaqay tığırtalar. Eger qalaqay üst tarafınen tüşse, yıl bereketli olacaq demek.  Navrez bayramı kün ve gece teñ oğlan mart ayınıñ 21-inci kününe kele. Navrezde yañı yıl başlay ve baar kele. Köylerde topraq işleri başlay. Qırımtatarlarda Navrez bayramını qadimiy devirlerde şereflep başlağanlar.

Bayram arfesinde qadınlar evlerini, azbarlarını cıyıştıra, yaraştıralar, çeşit qavaltılar, köbete, burmalar pişireler.

Bayram künü qartlar ve esli-başlı adamlar sabadan namazğa baralar, yañı yıl hayırlı ve bereketli olsun dep dualar oquylar. Soñra evlerde bayram sofraları donatıla.

Balalar toplaşıp ev evden yüreler, Navrez yırını yırlap, ev saiplerini hayırlaylar. Olar balalarnı tatlı yemeklernen sıylaylar.Milletimiz içün, Navrez bayramı yañı yıl, küneş, tabiat uyanuvı demektir.

Sığırlar sütlü olsun!

Balalar sağlam össin!

Evler bereket tolsun!

Mane, mane, maneler.

Kene kelir baarler.

Yeşillenir bağçalar

Qoqu saçar naneler.

Er yer yeşere, etraf deñişe.


Hoş keldiñ, baar,

Buyur sen bizge!

Quvanç ketir evimizge!

Bayır, çayır, dereler,

Tar yolçıqlar, keçitler,

BaBa-dede Vatanım,

Kirametli evçikler.

Navrez keldi, körüñiz,

Navrez aqqın beriñiz.

Cennet olsun yeriñiz,

Ezan Navrezim mubarek!

Ne güzel Qırımnıñ baari.

Bağ-bağça gül-çeçek açqanda.

Çoçamiy torğaylar çırılday,

Çöllerde ekinler saçqanda.

Navrez keldi, duyamız,

Qoqusına toyamız.

Aman olsun dünyamız

Yaşasın Vatanımız.

 

Facebook Hesabınızla Yorum Yapabilirsiniz

Bilmate